Nijekh mami mandar naj sikhljardi, naj len khanči škola. Alje, si man diploma khatar univerziteta thaj sikhljuvav inke duj abo trin berš ande škola. Me mekav miro čhavo te jov i decizija …

Mišljinav si te haljovas soske dajekh Řoma garuven pire identitija thaj amen našti sudzinas (krisaras) lenge alosarimata, ke čačimastar o řomanipe naj aver sar te dživas trajis maj dur.

Alje, me patjav kaj amen šaj avas řomni thaj šaj keras savi butji amen kamas. Me šaj řomnji sarso me kamav. Unikalo thaj aver ande muřo drom. Me či patjav ke vareko šaj avel maj ceřa řomani vaj maj řomani sar e kavera. Pa mande, kodo si komplekso, či džanav kaj si muřo than.

Po mande, patjav kaj škola thaj amare čhib hine maj importanto. Alje, mri baba phendja, “tiri butji tut bararel, na tire lava” thaj lake patjav. Čačimastar ande muři familija, somas e angluni te lav diploma khatar e univerziteta. Kodo sas kanagodi importanto. Specifiko muře dadeske… vov zurales kamelasas te avel les e šansa te sikhljol taj pe jekh rig kodolestar sikhljom e komunikaciji… ke vov kamel e kultura. Alje, kanagodi na žutisarelas man… abo mri daj… sa muři familija čačimastar. Mro dad kamelasas te sikhljol, no sas te kerel peske butji ka na sas len love. Hjaba, vov čhivelas love rigate mange pe e bari škola no kade kerdjom me e Interkulturja Komunikaciji, te akana sikhljuvav iriňipen (hramomos).

Ande mri familija, te san řomnji me patjav ke kodo si ke jekha řomnjake trubul te marel pe maj but sar jekhe řomeske… thaj řomnji našti džas ande škola, univerziteta. Mro dad phenja, “tu našti aves řomnji!”… alje, me avav khatar jekh familija kaj sa e řomnja si but zurale… sa e řomnja… taj me patjav, ke e řomnja generalo… ke khere, e řomnja si len but zurali pozicia. Me geljom ande bari škola, thaj me čačimastar barimangi somas e angluni te lav duj diploma khatar univerziteta. Kamav te phenel me čačimastar barimangi kajso sim řomnji, the zurales som baxtali kaj bijandjilem ande‘kh traditionalno familija.

Me řomnji som thaj me patjav kaj šaj kerav savi butji me kamav.

 

%d bloggers like this: